Бацькі, зацікаўленыя ў тым, каб іх дзеці з верасня 2014 г. навучаліся па-беларуску, могуць падаць заяву на імя дырэктара пачатковай школы № 34 г. Брэста ў элітны клас з беларускай мовай навучання.
Чаму клас з беларускай мовай навучання “элітны”?
Калі школьнікі атрымліваюць адукацыю на беларускай мове ў рускамоўным асяроддзі, на фоне супастаўлення дзвюх моў у іх развіваюцца эрудыцыя і кругагляд, мысленне і памяць. Навучанне на беларускай мове дае магчымасць больш лёгка вывучаць замежныя мовы.
Невялікая колькасьць вучняў у класе спрыяе таму, што настаўнік больш часу надае індывідуальнай працы з вучнямі.
На дадзены момант ужо ёсць база і досьвед для стварэння агульнаадукацыйнага класа з беларускай мовай навучання. На працягу трох год такі клас ужо існуе ў 34 школе. Адміністрацыя Маскоўскага раёна гарантуе падтрымку ў арганізацыі новага класа.
Заявы ад бацькоў прымаюцца з 2 чэрвеня да канца жніўня, у пачатковай школе №34 (мікрараён “Усход”)
Зацікаўленых бацькоў просім звяртацца па тэлефонах:
+375 29 7273504 – Алесь, +375 29 2284468 – Мілана