Twitter Виртуального Бреста Группа в одноклассниках

У Бярозе працягваюць судзіць за здымкі ў інтэрнэце

17  Февраля 2021 г.  в 14:06, показов: 1259 : Брестская область

У Бярозаўскім судзе працягваюць судзіць за два здымкі ў інтэрнэце. На двух здымках група грамадзян трымае бел-чырвона-белыя сцягі.

Людзей не відаць, тым не менш бярозаўскія міліцыянты Александр Басалай, Мікалай Пракурат і Дзмітрый Лішко прыцягнулі да адказнасці трох актывістаў за нібыта недазволенае масавае мерапрыемства. Усе трое, Валянціна Тарасюк, Іван Берынчык і Уладзімір Зубрыцкі, паспелі трое сутак адсядзець у ізалятары часовага ўтрымання да суда.

Здзіўляе пісьмовая просьба начальніка Бярозаўскага РАУС Сяргея Лабаева да суда пакараць вінаватых суткамі, кажа Валянціна Тарасюк:

– Я ў сваю чаргу прашу суд, у выпадку прызнання мяне вінаватай, прызначыць мне пакаранне ў выглядзе штрафу ў сувязі з тмы, што я самотная маці і маю на ўтрыманні непаўнагадовае дзіця – 11 гадоў.

Паводле сябра праваабарончага цэнтра „Вясна” Сяржука Русецкага, здымак у інтэрнэце ніяк нельга лічыць масавым мерапрыемствам:

– Гэтае так званае пікетаванне праводзілася на дачным участку ў садовым таварыстве. Наколькі прыватны дачны ўчастак можна лічыць грамадскім месцам. Выклікае пытанне, калі гэта не грамадскае месца, тады пра якое пікетаванне можна весці гаворку.

Судовы працэс па справе Валянціны Тарасюк і Івана Берынчыка працягнецца 26 лютага, па справе Уладзіміра Зубрыцкага – 22-га лютага.

Прайшло другое паседжанне па адміністрацыйнай справе – удзелу ў незаконным масавым мерапрыемстве паўторна на працягу года жыхароў Белаазёрска Валянціны Тараюк і Івана Берынчыка. Кінулася ў вочы просьба Тарасюк у пачатку суда, якая ярка дэманструе адносіны да цяперашніх судоў і ролі міліцыі ў вынясенні пакаранняў.

Источник: Радыё РАЦЫЯ



Система Orphus

Оставить свой комментарий можно после
регистрации на сайте или в чате Telegram