Twitter Виртуального Бреста Группа в одноклассниках

Адбылася апошняя ў гэтым юбілейным для нашага горада годзе сустрэча "Берасцейскага клубу"

1 16  Декабря 2019 г.  в 08:52, показов: 2850 : Музыка, кино, музеи, выставки

14 снежня 2019 года адбылася апошняя, ў гэтым юбілейным для нашага горада годзе, сустрэча “Берасцейскага клубу”. Гэтыя сустрэчы заўсёды незвычайныя і калі чымсці падобныя, то толькі прывітаннем і знаёмствам, якія сталі ўжо традыцыйнымі, а далей усё непрадказальна.

Адбылася апошняя ў гэтым юбілейным для нашага горада годзе сустрэча "Берасцейскага клубу"

І той, хто ў гэты вечар завітаў на Скрыпнікава 45 не пашкадаваў, бо знянацку апынуўся на скрыжаванні часу: паміж ХVI і ХХ стагоддзямі. Дзякуючы юнакам-блогерам (іх ролю выконвалі ўдзельнікі аматарскага тэатру пад кіраўніцтвам Наталлі Бачышчы), якія завіталі ў Брэст у пошуках цікавага сюжэту і адказа на пытанне “што можна паглядзець у Брэсце, апрача Брэсцкай крэпасці?” усе прысутныя рушылі ў падарожжа па сучаснаму Брэсту.

Адбылася апошняя ў гэтым юбілейным для нашага горада годзе сустрэча "Берасцейскага клубу"

Разам з хлопцамі наведалі Брэсцкі краязнаўчы музей, экскурсію па экспазіцыі якога правёў кандыдат гістарычных навук, загадчык аддзела Інстытута гісторыі НАН Беларусі – Андрусь Унучак. Пазнаёміліся з гісторыяй друкавання Берасцейскай Бібліі і перакладу Новага запавету на сучасную беларускую мову. Жадаючы атрымаць інтэрв’ю ў перакладчыка хлапчукі адпраўляюцца на пошукі вуліцы Шырокай і цудоўным чынам трапляюць у 1920 год у госці да жонкі Лукаша Дзекуць-Малея – Серафімы. Пасля гэтага гледачы разам з блогерамі пераносяцца ў ХVI стагоддзе ў Берасцейскую друкарню Мікалая Радзівіла Чорнага і становяцца сведкамі друкавання Берасцейскай Бібліі панам Цыпрыянам Базілікам.

Адбылася апошняя ў гэтым юбілейным для нашага горада годзе сустрэча "Берасцейскага клубу"

А навошта яе надрукавалі і чаму гэта было так важна ў той час і зараз, растлумачыў беларускі культуролаг, кнігазнаўца, намеснік дырэктара па навуковай рабоце і выдавецкай дзейнасці Нацыянальнай бібліятэкі Беларусі – Алесь Суша. “Берасцейская Біблія: 30 падстаў для ўшанавання, 30 прычын для вяртання і 30 падказак для гонару”

У гэты вечар кожны прысутны меў магчымасць дакрануцца да гісторыі, перагарнуць старонкі факсімільнай копіі Радзівілаўскай Бібліі – 15 кілаграмовага фаліянта, які акрамя тэкстаў Святога Пісання ўтрымлівае табліцу з планам чытання на кожны дзень на працягу года і прадметны паказальнік з індэксам больш чым 1400 біблійных назваў.

Адбылася апошняя ў гэтым юбілейным для нашага горада годзе сустрэча "Берасцейскага клубу"

Артэфакты, якія былі прадстаўлены і якія мог патрымаць у руках кожны удзельнік сустрэчы з’яўляюцца сапраўднымі экспанатамі Брэсцкага краязнаўчага музея. Экземпляр першага пераклада Новага запавета Лукаша Дзекуць-Малея на сучасную беларускую мову 1931 года, арыгінальны рукапісны Новы запавет і самвыдатаўская Біблія надрукаваная ў час калі не толькі чытаць, а нават трымаць Святое Пісанне ў доме было забаронена.

Адбылася апошняя ў гэтым юбілейным для нашага горада годзе сустрэча "Берасцейскага клубу"

Макет малітоўнага дома зроблены Лукашом Дзекуць-Малеем, кубак, якім ён карыстался падчас службы і скрыпка, на якой выконваў хрысціянскія гімны –знаёмяць нас не проста з перакладчыкам, а з рэлігійным і грамадскім дзеячам, эвангельскім прапаведнікам і святаром.

Ждите загрузки ссылки для показа изображений!

Дарэчы, у гэтым годзе на юбілейным канцэрце гурта “Збаўленне” гэтая скрыпка была падаравана ўнучкай Лукаша Дзекуць-Малея удзельніку гурта Паўлу Шэльпуку. Менавіта ў яго руках яна чароўна гучала ў гэты вечар. А спяваў для гасцей “Берасцейскага клубу” удзельнік легендарнага ВІА "Песняры" Аляксандр Віслаўскі.

І як заўсёды не абышлося без нечаканасцяў. Завяршылася сустрэча віншаваннем з Днём Нараджэння Алеся Сушы. І падарунак быў незвычайны: рэпрынтнае выданне кнігі Васіля Цяпінскага “Словы Хрыстовы”.

Ждите загрузки ссылки для показа изображений!

На наступную сустрэчу, на якой размова пойдзе пра нацыянальнага героя Польшчы, ЗША і Беларусі – Тадэвуша Касцюшка, “Берасцейскі клуб” запрашае 29 лютага 2020 года па адрасу: вуліца Скрыпнікава 45.




Система Orphus

Оставить свой комментарий можно после
регистрации и авторизации на сайте


infoliokrat 2019-12-16 11:09
З вялікім натхненнем пачытаў, што
І той, хто ў гэты вечар завітаў на Скрыпнікава 45 не пашкадаваў, бо знянацку апынуўся на скрыжаванні часу: паміж ХVI і ХХ стагоддзямі. Дзякуючы юнакам-блогерам (іх ролю выконвалі ўдзельнікі аматарскага тэатру пад кіраўніцтвам Наталлі Бачышчы), якія завіталі ў Брэст у пошуках цікавага сюжэту і адказа на пытанне “што можна паглядзець у Брэсце, апрача Брэсцкай крэпасці?” усе прысутныя рушылі ў падарожжа па сучаснаму Брэсту.

Нажаль зараз ТУТ (спадзяюся ШТО НЕ НА заўжды і НЕ толькі інфоліо) кожны з нас НЕ знянацку апынуўся на скрыжаванні часу: паміж ХVI і ХХ стагоддзямі., а НЕ знянацку на скрыжаванні ХХ і ХХІ стагоддзяў - падчас велічэзнай будоўлі новага СОЮЗНОГО ГОСУДАРСТВА (а не союза государств), т.е. с перспектівой очередного пересмотра ПРОШЛОГО.
Ужо зараз мой унук вывучае Гісторыю Беларусі по учебніку ИСТОРИЯ БЕЛОРУССИИ... Значит в ближайшей перспективе будет музей не СЪЕЗДА РСДРП, а НАЧАЛА УГЛУБЛЕННОЙ ИНТЕГРАЦИИ?
З павагай да неабыякавых

-3


Страницы: [1]