Twitter Виртуального Бреста Группа в одноклассниках

Прошлогодняя визуальная проверка балконов не обнаружила деффектов в доме в Пружанах, где обвалился балкон

11  Июня 2010 г.  в 16:09, показов: 3770 : Криминал, происшествия


Гэта здарылася ў мінулы аўторак. Прыкладна ў 19 гадзін з чацвёртага паверха дома №2 па вул.Кобрынскай у Пружанах абваліўся балкон, на якім знаходзіўся чалавек. На месца здарэння адразу была накіравана тэхніка МНС, аператыўная група з супрацоўнікаў раённага аддзела па надзвычайных сітуацыях, дарожна-патрульнай службы і РАУС, а таксама грузапад’ёмны кран.

Прошлогодняя визуальная проверка балконов не обнаружила деффектов в доме в Пружанах, где обвалился балкон

У выніку падзення з балкона пацярпела жанчына 1969 года нараджэння, якая тэрмінова была дастаўлена ў рэанімацыйнае аддзяленне цэнтральнай раённай бальніцы. Элементы абрушанага балкона ўпалі на балкон трэцяга паверха. А пліта перакрыцця павісла на арматуры ў месцы мацавання. Аварыйны ўчастак быў абгароджаны, рух на частцы вуліцы ад Савецкай да Багдановіча перакрыты, пры дапамозе бензарэза дэманціраваны вісеўшыя металічныя парэнчы балкона і жалезабетонная пліта перакрыцця.

Мяркуецца, што прычынай гэтага абрушэння стаў знос арматуры. Хаця пяціпавярховы дом і не надта стары — 1970 года пабудовы, прычым у 2003 годзе рабіўся яго капітальны рамонт. Па факту абрушэння балкона на месцы працавала камісія па надзвычайных сітуацыях пры райвыканкаме на чале са старшынёй райвыканкама А.І.Юркевічам. А таксама аператыўная група ў складзе супрацоўнікаў пракуратуры раёна, РАУС, аддзела па надзвычайных сітуацыях і КУВП «Камунальнік». Было прынята тэрміновае распараджэнне наконт пазачарговага паўторнага абследавання ўсяго жылога фонда.

Прошлогодняя визуальная проверка балконов не обнаружила деффектов в доме в Пружанах, где обвалился балкон

Візуальнае абследаванне балконаў павінна прайсці да 15 чэрвеня. Пры выяўленні трэшчын ці якіх іншых непаладкаў будуць выкліканы спецыялісты для больш скрупулёзнага абследавання і ўхілення небяспекі. Што тычыцца канкрэтна дома №2 па вуліцы Кобрынскай, то цяпер пракуратурай раёна праводзіцца дакладная праверка матэрыялаў яго будаўніцтва і капітальнага рамонту. Зразумела, што яна не закончыцца ў адзін дзень. Але толькі пасля гэтага можна будзе рабіць канкрэтныя вывады наконт прычын абрушэння балкона. Дарэчы, у мінулым годзе пасля таго, як падобнае здарылася ў Мінску, візуальна былі правераны ўсе балконы Пружан, у тым ліку і на доме №2 па вуліцы Кобрынскай.

Ганна ХАДАРОВІЧ, Аляксандр МЕЛЕШ (фота).
 

Источник информации: http://www.budni.by