Twitter Виртуального Бреста Группа в одноклассниках

На Берасцейскай зямлі адзначаюць Купалле

11  Июля 2012 г.  в 00:03 : Праздники, события, мероприятия

Што ні кажы, а веру ў казкі людзі пакуль яшчэ не страцілі. І таямнічым вечарам 6 ліпеня, пакінуўшы тэлевізары і кампутары, жыхары вёскі Чэрні падаліся на пошукі папараць-кветкі.

У гэтым годзе паліць вогнішча на беразе возера было забаронена, таму мерапрыемствы адбываліся на галоўнай пляцоўцы вёскі ля Дома культуры. Вогнішча пераўтварылася ў невялічкую горку дроў на плітцы, а лісце папараця апынулася ў вянках спяваючых дзяўчынак.

Увогуле атрымалася добрае свята і для малых, і для дарослых. Ансамбль “Чэрнічанка” узгадаў традыцыйныя купальскія песні і гульні, а таксама аб’яднаў усіх у вялікі карагод пад гукі вядомай кожнаму “Купалінкі”.
Калі сонейка закацілася, успыхнулі першыя іскры полымя! Удзельнікі фаер-шоў перанеслі нас у старажытныя часы варажбітаў і зачаравалі рухам агню.

А потым усю ноч гучала музыка і працягвалася дыскатэка. Магчыма, ніхто і не думаў шукаць тую самую кветку шчасця, але галоўнае для людзей было тое, што ўвечары іх чакала прыемнае свята!

Брест

Брест

Брест

Брест

Брест

Брест

Брест

Брест

Брест

Брест

Брест

Брест

Брест

Брест

Аўтар: Вольга Малафеечава
Фота: Зміцер Босак, Наста Лагодзіч

Источник информации: RadioStart