Дарога патрабуе ўвагі. У гэтым на ўласным сумным вопыце пераканаўся жыхар г.Гродна. Дарожна-транспартнае здарэнне з яго ўдзелам адбылося дзявятага лютага на мосце праз раку Ясельда. Як расказвае мужчына, падчас пераезду пуцеправода ён перастаў сачыць за дарогай і звярнуў увагу на рыбакоў.
У выніку машына наехала на агароджу моста. Вугал агароджы прабіў рухавік і салон наскрозь. Агароджа, да шчасця, задзела толькі край курткі вадзіцеля. Сам ён атрымаў цяжкія траўмы і шпіталізаваны ў Пружанскую бальніцу.