Сёлета ў г. Брэсце, дзякуючы ініцыятыве бацькоў, у пачатковай 34 школе адчынілі беларускамоўны клас, дзе пачалі навучанне 5 вучняў. Але адвучыўшыся амаль месяц, дзецям так і не выдалі падручнікі на беларускай мове...
Па просьбе бацькоў звяртаемся да ўсіх за дапамогай, і калі ў каго ёсць буквар, кніжкі для самых маленькіх, маляванкі ці гульні на беларускай мове, зрабіце добрую справу і перадайце іх у падарунак для маленькіх вучняў.
Зрабіце свой уклад, каб жыла беларуская мова. А пакуль будуць носьбіты беларускай мовы – яна будзе жыць. Дык няхай жа жыве яна і ў нашым слаўным беларускім горадзе Берасці!
Свае прапановы з указаннем назваў падручнікаў і кніжак дасылайце на email: [email protected]
Источник информации:
Апублікаваная інфармацыя ў Вашай газеце не адпавядае рэчаіснасці. У
адпаведнасці з вучэбным планам, зацверджаным Міністэрствам адукацыі Рэспублікі
Беларусь, у першым класе у верасні выкладаецца вучэбны прадмет “Уводзіны ў
школьнае жыццё”, мэтай якога з’яўляецца стварэнне аптымальных умоў для належнай
адаптацыі першакласнікаў да школы.
Дадзены курс уключае ў сябе комплекс гульняў
і практыкаванняў развіваючага характару. Заняткі праходзяць па сшытку
В.І.Цірынавай “Уводзіны ў школьнае жыццё”, якім забяспечаны ўсе вучні класа.
Пасля заканчэння вышэй названага курса, 28 верасня ў нашай школе адбудзецца
свята першакласнікаў “Мы сталі школьнікамі”, дзе ўрачыста будуць уручаны дзецям
“Буквар” і іншыя падручнікі. З чэрвеня 2011 года наша ўстанова адукацыі ў поўным
аб’еме забяспечана неабходнымі камплектамі падручнікаў, у тым ліку і для
беларускамоўнага класа.
Школьная бібліятэка ўкамплектавана таксама і іншай
літаратурай на беларускай мове. У далейшым, пры падрыхтоўцы матэрыялу для
размяшчэння ў газеце ці на сайце газеты, прапануем карыстацца толькі дакладнай
інфармацыяй.
Івашова Аксана Яўгенаўна, дырэктар “Пачатковая школа № 34
г.Брэста”.
