Twitter Виртуального Бреста Группа в одноклассниках

«Дзедзіч» вырашае роварныя праблемы Брэста

2 2  Сентября 2011 г.  в 11:19, показов: 2889 : Автомобили, транспорт, ГАИ, ДТП


Вырашэнне праблем брэсцкіх роварыстаў узяў на сябе “Дзедзіч”, моладзевая арганізацыя, якая складаецца пераважна са студэнтаў.

Актывісты кажуць, што цяпер распрацавана шэраг захадаў, каб не проста збіраць подпісы ці праводзіць інфармацыйную працу, а канкрэтна зрабіць справу. Да ўладаў Брэста падрыхтавана заява, якая ўтрымоўвае комплекс мер чыноўнікам па вырашэнню сітуацыі.

Па кожнай праблеме – адсутнасць роварных дарог, месцаў для парковак ці неабходных бардзюраў, арганізацыя мае некалькі варыянтаў вырашэння, якія і прапаноўваюцца адміністрацыі горада.

Каардынатар праекта “За вела-Брэст” Уладзімір Красько паведаміў, што галоўнай мэтай ёсць стварэнне ўмоў для роварыстаў:

- Мэта нашага праекта – дамагчыся таго, каб па горадзе Брэсце можна было рухацца на ровары. Падчас гэтага праекта мы правядзем две інфармацыйныя кампаніі: падчас першай, якая пачнеццпа ў сярэдзіне верасня, мы выпусцім 10 тысяч улётак, папулярызуючых роварны рух, зробім мікра-сайт, на якім будзе змешчаных 10 спецыяльных ролікаў – таксама з мэтай папулярызацыі роварнага руху. Таксама на сайце будуць матэрыялы аб тым, як дапамагчы навічку выбраць сябе ровар.

Актывісты “Дзедзіча” адзначаюць, што ў Брэсце вельмі адчувальная праблема з арганізацыяй транспарту. Дарогі перагружаныя, у «гарачы» час ствараюцца кіламетровыя «пробкі» і гэтыя праблемы трэба вырашаць.

Зміцер Кісель, .

Источник информации: http://new..com/news/%C2%ABdzedzich%C2%BB-vyrashae-rovarnyya-prablemy-bresta




Система Orphus